ماڵپەڕی ئیسرائیل-كورد بۆ ئێوە نوێ كراوەتەوە

English | Turkish | کوردی | عربي

له‌لایه‌ن ئیسرائیل-كورد سێشه‌ممه‌, 29 یونیو 2010 07:41

ماڵپەڕی ئیسرائیل-كورد بۆ ئێوە نوێ كراوەتەوە

دەزگەی ئیسرائیل-كورد بۆ گەیشتن بە ئامانجە نەتەوەیی و نیشتمانییەكانی و گەیاندنی نیازە ئاشكراكانی سوود لە سەرجەم بوارەكانی گەیاندن و تەكنەلۆجیای سەردەم وەردەگرێ.

مەبەست لە نوێكردن و هاتنەوە مەیدانی ماڵپەڕی ئیسرائیل-كورد بە دیزاینێكی نوێ، هێنانەئارای كەناڵێكی تازە و پێشكەوتووترە تا بەشێوەیەكی پیشەیی لەسەر گەیاندنی پەیامەكەی بەردەوام بێ.

لە دیزاینی نوێی ماڵپەڕدا، خوێنەر و سەردانیكاران بەشێكی سەرەكین لە نووسین و بڵاوكردنەوە دەقەكان، بۆیە لەگەڵ راگەیاندنی ماڵپەڕی نوێمان، داوا دەكەین نووسەران، خاوەن هزر و چاودێران بەشدار بن لەو ئەركە مێژوویی و نەتەوەیییەی دەزگاكەمان هەڵی گرتووە ئەویش هەوڵدان بۆ ئاشناكردنەوەی كورد و جوولەكە و تێكەڵكردنی ویستەكانی كوردستان بە هێز و تواناكانی ئیسرائیلە كە بەوپەڕی روونی و ئاشكرایی بەڕێوە دەچێ.

پێویستە ئاماژە بەچەند مەرجێكی ستاندەرد بۆ ناردن و بڵاوكردنەوەی بابەتەكانی خوێنەران بكەین:

1. لایەنی زانستی بابەت پێوەری سەرەكیی هەر نووسراوێك دەبێ، بەتایبەت لە شیكردنەوە و لێكدانەوەی پرسەكان پێویستە بەشێویەكی زانستییانە شرۆڤەیان بۆ بكرێ.

2. پێویستە نووسینەكان دوور بن لە هەرجۆرە بۆچوونێكی كەسی و بابەتییانە بنووسرێن.

3. راپۆرتی رۆژنامەوانی بەبێ ئامار و سەرچاوەی رەسمی شیاوی بڵاوكردنەوە نابێ.

4. نووسینەكان بەزمانێكی پاراو و ئاشكرای كوردی بێ.

نووسینەكانی ئێوەی خوێنەر و سەرجەم ئەوانەی خۆیان بەپشكداری زیندووكردنەوی مێژووی كۆنی نێوان كورد و جوولەكە و كوردستان و ئیسرائیل دەزانن، هانمان دەدات بۆ ئەوەی گەشبینتر لە جاران سەیری دۆخەكە بكەین و دڵنیا بین لەوەی زۆرن ئەوانەی لە دەوری ئێمەن و وەك ئێمە بیر دەكەنەوە.

دەزگای ئیسرائیل-كورد

بەشی راگەیاندن