ئیسرائیل-كورد: پاش ئەوەی رژێمی تاران (4) چالاکی سیاسی کوردی ئیعدام کرد، باڵی سەربازی پەژاک هەڵیانکوتایە سەر بنکەیەکی پاسدارانی کۆماری ئیسلامی ئێران لەمەریوان و لەپیرانشاریش بۆسەیان بۆ ئۆتۆمبێلێکی هێزەکانی ئێران نایەوە.
بەگوێرەی بەیاننامەیەکی (HRK) باڵی سەربازی پەژاک، لەئەنجامی ئەو دو چالاکیەدا، لەمەریوان 12 پاسدار و لەپیرانشاریش (4) کەس لە هێزەکانی ئێران کوژراون و لەبەرامبەردا هیچ زیانێک بە گەریلاکانی پەژاک نەگەیشتوە.
پەژاک لەلێدوانەکەیدا دەڵێ کە ئەم چالاکیەی لە تۆڵەی ئیعدامکردنی چوار چالاکی سیاسی کورد لە زیندانی ئێوین ئەنجامداوە. لەدرێژەدا پەژاک سەبارەت بە چالاکی یەکەم بەمجۆرە زانیاری دەدا: لەڕێکەوتی (10)ی مەی کاتژمێر (12) بۆ (1)ی شەو لەنێوان گوندی بەردەڕەشەو دوپلورە، لە ناوچەی مەریوان گەریلاکانمان هێرشیان کردۆتە سەر پایگایەک و لە ئەنجامدا پایگاکەیان خستۆتە ژێر کۆنتڕۆلی خۆیانەوە. ئەمەو لەکاتی هێرشەکەدا دو پایگای نزیک ویستویانە بە هانایانەوە بێن کە شەڕ و پێکدادان رویداوە و 12 کەس لە هێزەکانی دەوڵەت کوژراون و دو کەسی دیکەش بریندار بون. لەناو کوژراوەکاندا دو پلەداری دەوڵەتیش بەدیدەکرێ.
سەبارەت بەچالاکیەکەی پیرانشار، پەژاک دەڵێ: ئۆتۆمبێلێکی هێزەکانی رژێم لە نێوان گوندەکانی بەردەنازێ و زنۆ دەکەوێتە بۆسەی گەریلاکانیانەوە و لەئەنجامدا (4) پاسدار دەکوژرێن و (4) تریش بریندار دەبن

Share Link:

کۆمێنته‌کان (0)

نیشاندان/شاردنه‌وه پێشنیاره‌کان

ناو

ئیمه‌یڵ(E-mail)

کۆمێنت

بچوکتر | گه‌وره‌تر

بنێره‌ پێشتر